[Для красивого отображения текста молитв - скачайте по этой ссылке шрифт "Academy" и установите его себе на компьютер! " Academy.ttf "]
+ + +

Утренняя молитва.

Къ Тебе, Владыко человеколюбче, отъ сна воставъ, прибегаю и по милосердiю Твоему спешу на дела Твои. Молюсь Тебе: помоги мне во всякое время во всякомъ деле, и избавь меня отъ всякого мiрского худого дела и дiавольского искушенiя, и спаси мя, и введи въ царство Твое вечное. Ибо Ты мой Творецъ, и Промыслитель и Податель всякого добра, о Тебе же все мое упованiе, и Тебе славу воссылаю ныне, и присно, и во веки вековъ. Аминь.



Вечерняя молитва.

Господи Боже нашъ, еже согрешилъ в день сей словом, деломъ и помышленiемъ, яко благъ и человеколюбецъ, прости ми; миренъ сонъ и безмятеженъ даруй ми; Ангела Твоего хранителя пошли покрывающа и соблюдающа мя отъ всякого зла; яко Ты еси хранитель душъ и телъ нашихъ, и Тебе славу воссылаем Отцу, и Сыну и Святому Духу, ныне, и присно, и во веки вековъ. Аминь.



Молитва святого Макария Великого ко святому Ангелу хранителю

Ангеле Христов, хранителю мой святый и покровителю души и тела моего, вся ми прости, елика согреших во днешний день, и от всякого лукавствия противного ми врага избави мя, да ни в коемже грехе прогневаю Бога моего; но моли за мя грешного и недостойного раба, яко да достойна мя покажеши благости и милости Всесвятыя Троицы и Матери Господа моего Иисуса Христа и всех святых. Аминь.



Молитва Честному Кресту.

Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю, и даровавшаго нам тебе Крест Свой Честный на прогнание всякого супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.



Молитва на сон грядущий.

Ненавидящих и обидящих нас прости, Господи Человеколюбче. Благотворящим благосотвори. Братиям и сродником нашим даруй яже ко спасению прошения и жизнь вечную. В немощех сущия посети и исцеление даруй. Иже на мори управи. Путешествующим спутешествуй. Служащим и милующим нас грехов оставление даруй. Заповедавших нам недостойным молитися о них помилуй по велицей Твоей милости. Помяни, Господи, прежде усопших отец и братий наших и упокой их, идеже присещает свет лица Твоего. Помяни, Господи, братий наших плененных и избави я от всякого обстояния. Помяни, Господи, плодоносящих и доброделающих во святых Твоих церквах, и даждь им яже ко спасению прошения и жизнь вечную. Помяни, Господи, и нас, смиренных и грешных и недостойных раб Твоих, и просвети наш ум светом разума Твоего, и настави нас на стезю заповедей Твоих, молитвами Пречистыя Владычицы нашея Богородицы и Приснодевы Марии и всех Твоих святых: яко благословен еси во веки веков. Аминь.



Когда отходишь ко сну, произноси:

В руце Твои, Господи Иисусе Христе, Боже мой, предаю дух мой: Ты же мя благослови, Ты мя помилуй и живот вечный даруй ми. Аминь.




Страницы:   [1]     [2]     [4]     [5]     [6]     [7]     [8]     [9]    

Об этом сайте

Душа. Духовность. Библия. Христианство. Православие, другие конфессии. Религии мира.

Вход на сайт
Поиск