[Для красивого отображения текста молитв - скачайте по этой ссылке шрифт "Academy" и установите его себе на компьютер! " Academy.ttf "]
+ + +

Молитва о примирении враждующих.

Владыко человеколюбче, Царю веков и Подателю благих, разрушивший вражды средостения и мир подавший роду человеческому, даруй и ныне мир рабом Твоим, вкорени в них страх Твой и друг к другу любовь утверди: угаси всяку распрю, отыми вся разногласия и соблазны. Яко Ты еси мир наш и Тебе славу возсылаем, Отцу и Сыну и Святому Духу, ныне и присно и во веки веков. Аминь.



Молитва Великомученице Анастасии, именуемой "Узорешительница".

О, многострадальная и премудрая великомученице Христова Анастасие! Ты душею на небеси у престола Господня предстоиши, на земли же, данною тебе благодатию, различная совершаеши исцеления: призри убо милостивно на предстоящия люди и молящияся пред мощами твоими, просящия твоей помощи: простри ко Господу святыя молитвы твои о нас, и испроси нам оставление согрешений наших, недужным исцеление, скорбящим и бедствующим скорую помощь: умоли Господа, да подаст всем нам христианскую кончину и добрый ответ на Страшном Суде Своем, да сподобимся и мы купно с тобою славить Отца и Сына и Святого Духа во веки веков. Аминь.



Молитва от недуга пьянства.

Спаси, Господи, и помилуй рабов Твоих (имярек) словами Божественного Евангелия Твоего, читаемыми о спасении рабов Твоих сих (имярек). Попали, Господи, терние всех согрешений их, вольных и невольных, и да вселится в них благодать Твоя, просвещающая, опаляющая, очищающая всего человека. Во имя Отца и Сына и Святого Духа. Аминь.



Молитва от недуга пьянства.
(Пресвятой Богородице перед Ее иконой "Неупиваемая Чаша")

О, премилосердная Владычица! К Твоему заступлению ныне прибегаем, молений наших не презри, но милостиво услыши нас: жен, детей, матерей, и тяжким недугом пьянства одержимых, и того ради от матери своей - Церкви Христовой и спасения отпадающих, братьев и сестер и сродник наших исцели. О, милостивая Мати Божия, коснись сердец их и скоро возстави от падений греховных, ко спасительному воздержанию приведи их. Умоли Сына Своего, Христа Бога нашего, да простит нам согрешения наши и не отвратит милости Своей от людей Своих, но да укрепит нас в трезвении и целомудрии. Приими, Пресвятая Богородице, молитвы матерей, о чадах своих слезы проливающих, жен, о мужьях своих рыдающих, чад, сирых и убогих, заблуждшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко престолу Всевышнего. Покрой и соблюди нас от лукавого ловления и всех козней вражиих, в страшный же час исхода нашего помоги пройти непреткновенно воздушные мытарства, молитвами Твоими избавь нас вечного осуждения, да покроет нас милость Божия в нескончаемые веки веков. Аминь.



Молитва за болящих.

Боже сильный, милостью строящий все на спасение роду человеческому, посети раба Своего сего (имя), нарицающа имя Христа Твоего, исцели его от всякого недуга плотского: и отпусти грех и греховные соблазны, и всякую напасть, и всякое нашествие неприязнено далече сотвори от раба Твоего. И воздвигни от одра греховного, и устрой его во святую Твою Церковь здравым душою и телом, и делами добрыми славящего со всеми людьми имя Христа Твоего, яко Тебе славу возсылаем, со Безначальным Твоим Сыном и со Святым Духом, ныне и присно и во веки веков. Аминь.



Молитва на всякую немощь.

Владыко Вседержителю, врачу душ и телес, смиряющему и возносящему, наказующему и паки исцеляющему, брата нашего (имя) немоществующего посети милостию Твоею, простри мышцу Твою исполнену исцеления и врачбы, и исцели его, восставь от одра и немощи, запрети духу немощи, оставь от него всякую язву, всякую болезнь, всякую рану, всякую огневицу и трясавицу. И аще есть в нем согрешение или беззаконие, ослабь, оставь, прости, Твоего ради человеколюбия. Аминь.



Страницы:   [1]     [2]     [3]     [4]     [5]     [6]     [8]     [9]    

Об этом сайте

Душа. Духовность. Библия. Христианство. Православие, другие конфессии. Религии мира.

Вход на сайт
Поиск